Taamna Sulukvaut Nayugaanik Munaqtiuyut Katimayiralaangit (Sulukvaut ACMC) munarivagaat pingahuuyut munaqtauyut nayukkat Qikiqtaalungmi Aviktuqhimanianit: Nanuit Itillinga Kanatami Anngutighat Nayugaat, Akpaqarvik (Prince Leopold Qikiqtaat) Tikitaqtut Tingmitjat nayugaat, taamnalu Nauyavaat (Seymour Qikiqtaanit) Tikitaqtut Tingmitjat Nayugaat. Nanuit Itillinga (Nanuit Ikaaqviat) Kanatami Anngutighat Nayugaat (NWA) 65 km-nik tununngani uataaniqhianit Qauyuittuq akutuplunilu qitqanit Bathurst Qikiqtaat, uataanit kivalliqhianut hinaanut talvani qikiqtam nirukitqiyaanik tikiraanit. Kinipainnaramik nayugaq, Nanuit Itillinga NWA-ngat munarivagait amigaittut aallatqiinguyunik anngutighanik ihumagiplugu ungahingnia nauyuilrullu. Akpaqarvik (Prince Leopold Qikiqtaat) Tikitaqtut Tingmitjat Nayugaat (MBS), Tallurutip taryuaniittuq paakvianit Prince Regent Kangiqhua Barrow Ikirahaallu. Somerset Qikiqtaat 13 km-nik hivuraaniittuq uataanit, Devon Qikiqtaat 50 km-nik ungahiktigiyuq tununngaanit, qanitqiyamullu nunallaarmut, Qauyuittuq, 150 km-nik tununnganiittuq kivalliqhianit. MBS taamna avatqutpagaat tamaat qikiqtaq, aktigiyuq taimaa 64 square km-nik, avatinullu hiamitpaktuq taryumiutat nayugaanut 5 km-nik. Nauyavaat (Seymour Qikiqtaat) MBS-ngat ungahiktigiyuq 250 km-nik tununngaanut uataanit Qauyuittuq ivaviuvaghunilu amihuqpianik nauyaqnik Kanatami. MBS-ngat ungahiktigiyuq 18 km-nik tununngaanit Helena Qikiqtaat, avighimapluni Bathurst Qikiqtaanit talvuuna Sir William Parker Ikirahaanit. Hanayauhimayuq 2012-mi, taamna Sulukvaut ACMC-ngat tallimanik katimayilik Qauyuittumit, atauhiqmiklu Kanatami Anngutighaliqiyit Ikayuqtit Ukiuqtaqtumi Aviktuqhimanianit (Iqaluit) Havaktianik. Taamna Sulukvaut ACMC-ngat iniqtauyughamik titiraliqtut Munaqtiuyut Parnaiyautainik NWA-nut MBS-nullu katimavaghutik malruiqhutik pingahuiqhutikluuniit ukiuq tamaat Qauyuittuqmi unipkaariyaamik tamangnik ihumaaluutinik ilauyut munaqhiyunik taapkuninnga, atuqtittiniqmiklu Nanuit Itillinga NWA-nganik, Akpaqarvik (Prince Leopold Qikiqtaat) MBS-nganik, taamnalu Naujavaat (Seymour Qikiqtaat) MBS-nganik.
Photo Gallery - Coming Soon
Videos - Coming Soon
Annual Reports - Coming Soon
Member List - Coming Soon
Meeting Minutes - Coming Soon
Management Plans - Coming Soon
Checklists - Coming Soon
Contact - Coming Soon
Area Co-Management Committees for National Wildlife Areas and Migratory Bird Sanctuaries in Nunavut 