ᐱᔪᓐᓇᐅᑎᓕᕆᔩᑦ
ᐃᓄᐃᑦ ᐊᖏᑕᐅᓯᒪᔪᑎᖃᕆᐊᖃᖏᑦᑐᑦ ᐅᐸᒍᑎᒍᑎᒃ ᐅᕝᕙᓗ ᐱᓕᕆᒍᑎᒃ ᖃᓄᑐᐃᓐᓇᖅ ᐊᖑᓇᓱᒃᓗᑎᒃᓘᓃᑦ ᐊᒻᒪ ᐊᐅᓚᕈᔨᓯᒪᒍᑎᒃ ᓱᕋᑕᐃᑦᑕᐃᓕᒪᕕᒃᓂ, ᒪᓕᒃᓗᖑ ᓄᓇᕗᑦ ᐊᖏᕈᑎᖓ ᐊᒻᒪ ᐃᓄᐃᑦ ᐊᒃᑐᖅᑕᐅᓂᐊᓂᖏᓐᓄᑦ ᐊᒻᒪ ᐱᕙᓪᓕᕈᑕᐅᔪᓇᖅᑐᓄᓗ ᐊᖏᕈᑦ ᐅᑯᓄᖓ ᑲᓇᑕᒥ ᓂᕐᔪᑎᖃᖅᕕᒃᓄᑦ ᐊᒻᒪ ᐅᑎᖅᑕᐸᒃᑐᓄᑦ ᑎᖕᒥᐊᓄᑦ ᓴᐳᔾᔭᐅᓯᒪᕕᒃᓄᑦ ᓄᓇᕘᑉ ᓇᓗᓇᐃᓯᒪᓂᖓᓂ.
ᑕᒪᕐᒥᒃ ᐃᓄᐃᑦ ᐊᓯᖏᑦ ᐊᖏᑕᐅᓯᒪᔾᔪᑎᖃᕆᐊᖃᖅᐳᑦ ᐅᐸᒍᑎᔪᒪᒍᑎᒃ ᐱᓕᕆᔪᒪᒍᑎᓘᓃᑦ, ᐃᓚᒋᔭᐅᓗᑎᒃ ᐊᑭᓖᓗᑎᒃ ᐊᖑᓇᓱᒋᐊᓲᑦ, ᖃᐅᔨᓴᕆᐊᑐᓪᓗ ᐊᒻᒪ ᐳᓚᕋᑏᑦ. ᑕᒪᕐᒥᒃ ᑮᓇᐅᔭᖠᐅᕋᓱᐊᑏᑦ ᐅᕝᕙᓗ ᑮᓇᐅᔭᓕᐅᕈᑎᒋᓗᒍ ᐱᓕᕆᔪᑦ.
ᑕᑕᑎᕆᔪᓐᓇᖅᐳᑎᑦ ᐊᖏᑕᐅᓯᒪᔾᔪᑎᒥᒃ ᐅᑯᓇᖓᑦ ᑲᓇᑕᒥ ᐆᒪᔪᓕᕆᔨᕐᔪᐊᑯᓐᓂᑦ ᑎᑭᓚᐅᖏᓐᓂᖓᓂ ᕕᕗᐊᕆ 1 ᐅᕙᓂ:
ᖃᕋᓴᐅᔭᒃᑰᕈᑖ: CWSPermitNorth@ec.gc.ca
ᐅᖄᓚᐅᑖ: 867-975-1220
ᐊᐅᓚᑦᑎᖃᑎᒌᓂᕐᒧᑦ ᑲᑎᒪᔨᕋᓛᑦ ᕿᒥᕈᐊᖃᑦᑕᖅᐳᑦ ᐊᖏᑕᐅᔪᒪᔾᔪᑎᓂᒃ ᑕᑕᑎᖅᓯᒪᔪᓂᒃ ᐊᒻᒪ ᑐᓂᓯᕙᒃᖢᑎᒃ ᐊᑐᖅᑕᐅᖁᔭᒥᖕᓂᒃ ᑖᑯᓄᖓ ᑲᓇᑕᒥ ᐆᒪᔪᓕᕆᔨᕐᔪᐊᑯᓄᑦ ᐱᔪᑎᖏᓗᒍ ᐊᖏᑕᐅᓯᒪᔾᔪᑎ ᑐᓂᔭᐅᔭᕆᐊᖃᖅᒪᖔᑦ ᐅᕝᕙᓗ ᑐᓂᔭᐅᖏᓪᓗᓂ.
ᖃᐅᔨᒋᐊᒃᑲᓐᓂᕈᒪᒍᔅᓯ ᐅᑯᐊ ᖃᐅᔨᒋᐊᕐᕕᒋᓗᒋᑦ ᑲᓇᑕᒥ ᐆᒪᔪᓕᕆᔨᒃᑯᑦ ᑎᑎᕋᕐᕕᖓ ᐃᖃᓗᖕᓂ ᐊᒻᒪᓗ ᐃᓄᒃᑎᑐᑦ ᐅᖃᕈᓐᓇᖅᑐᒥ ᐅᖃᓪᓚᖃᑎᖃᕈᒪᓗᓯ ᐃᑲᔪᖅᑕᐅᔪᒪᓂᕐᓄᑦ.
Area Co-Management Committees for National Wildlife Areas and Migratory Bird Sanctuaries in Nunavut 