Inuit Mentorship Program – ᐃᓅᓗᑎᒃ ᐱᓕᒻᒪᒃᓴᖅᑐᑦ ᐱᓕᕆᐊᓴᓂᒃ

ᐃᓅᓗᑎᒃ ᐱᓕᒻᒪᒃᓴᖅᑐᑦ ᐱᓕᕆᐊᓴᓂᒃ

English – Inuinnaqtun

ᐃᖃᓇᐃᔮᖃᕈᒪᓇᔭᖅᐲᑦ ᖃᐅᔨᓴᖅᑎᐅᓗᑎᑦ ᓂᕐᔪᑎᓂᒃ ᐅᕝᕙᓗ ᓇᔪᖃᑦᑕᖅᑕᖏᓐᓂᓗ ᖃᐅᔨᓴᖅᐸᒃᓗᑎᑦ?

ᐊᕙᑎᓕᕆᔨᑯᑦ ᑲᓇᑕᒥ, ᐱᓕᕆᖃᑎᖃᖅᖢᑎᒃ ᓄᓇᕗᑦ ᑐᒡᖓᕕᐅᑉ ᑎᒥᖓᓂᒃ, ᕿᑭᖅᑕᓃᑯᓐᓂᑦ, ᑭᕙᓪᓕᒃ, ᐊᒻᒪ ᕿᑎᖅᒥᐅᑦ ᐃᓄᐃᑦ ᑲᑐᔨᖃᑎᒌᖏᓐᓂᒃ, ᐃᖃᓇᐃᔭᖅᑎᑖᕈᒪᔪᑦ ᐃᓄᖕᓂᒃ ᐱᔪᒪᔪᓂᒃ ᐃᓕᑦᑎᑲᓐᓂᕈᒪᔪᓂᒃ ᐃᖃᓇᐃᔭᕐᓂᕐᒥᒃ ᑎᑎᕋᕐᕕᒃᓂ ᑎᓴᒪᓄᑦ ᑕᕿᓄᑦ ᐊᐅᔭᐅᓂᖓᓂ.

ᐱᕕᒃᓴᖃᖅᐳᑎᑦ ᐃᑲᔪᖅᑕᐅᓗᑎᑦ ᐊᒻᒪ ᐃᖃᓇᐃᔭᓕᒻᒪᒃᓴᓗᑎᑦ ᐃᖃᓇᐃᔭᖃᑎᒋᓗᒋᑦ ᒐᕙᒪᑯᑦ ᑭᒡᓕᓯᓂᐊᑎᖏᑦ ᐃᖃᓗᖕᓂ ᐅᕝᕙᓘᓃᑦ ᔭᓗᓇᐃᒥ, ᐅᕝᕙᓗ ᐊᕙᑎᓕᕆᔨᑯᑦ ᑲᓇᑕᒥ ᑎᑎᕋᕐᕕᒃᓂ ᓇᒥᑐᐃᓐᓇᖅ ᑲᓇᑕ.

ᑭᓇ ᐃᖃᓇᐃᔮᑖᕈᓐᓇᖅᐹ?

ᐱᔪᓐᓇᐅᑎᑎᑦ ᐅᑯᐊᖑᕗᑦ:

• ᓄᓇᕘᑉ ᐃᓄᒋᓗᓂᑎᑦ
• ᐃᖃᓇᐃᔮᖃᓚᕈᒪᓗᓂ ᑭᒡᓕᓯᓂᐊᓂᕐᒥᒃ ᓂᕐᔪᑎᓂᒃ ᑭᒡᓕᓯᓂᐊᓂᕐᒥᒃ ᐅᕝᕙᓗ ᐊᔾᔨᑲᓴᖓᓂᒃ ᓄᓇᒦᓇᖅᑐᒥᒃ
• 16 ᖑᓯᒪᓗᓂ ᐅᕝᕙᓗ ᐅᖓᑕᓃᓗᓂ

ᐃᖃᓇᐃᔮᓴᖅ ᑭᓱᓕᕆᓐᓇᖅᐸ?

ᐊᕙᑎᓕᕆᔨᑯᑦ ᑲᓇᑕᒥ ᐊᐅᓚᑦᑎᕗᑦ ᓂᕐᔪᑏᑦ ᖃᓄᐃᓂᕆᔭᖏᓐᓂᒃ ᑖᑯᐊ ᐱᓕᕆᐊᓖᑦ ᑲᓇᑕᐅ ᒐᕙᒪᑯᖏᓐᓂᑦ, ᒪᑯᓂᖓ ᐅᑎᖅᑕᐸᒃᑐᓄᑦ ᑎᖕᒥᐊᓄᑦ, ᓂᕐᔪᑏᑦ ᐊᑦᑕᖅᓇᖅᑐᒦᑐᑦ, ᐊᒻᒪ ᑲᓇᑕᒥ ᐱᓐᓇᖅᓇᖅᑐᑦ ᐃᓂᒋᔭᐅᔪᑦ ᓂᕐᔪᑎᓄᑦ. ᐊᕙᑎᓕᕆᔨᑯᑦ ᑲᓇᑕᒥ ᐊᒻᒪᓗ ᑲᐅᔨᓴᕐᓃᑦ ᐊᒥᓱᓂᒃ ᓄᓇᓂᒃ ᓂᕐᔪᑎᓄᑦ ᖃᐅᔨᓴᖅᑎᓄᑦ.

ᐃᖃᓇᐃᔭᕋᔭᖅᐳᑎᑦ ᐊᕙᑎᓕᕆᔨᑯᑦ ᑲᓇᑕᒥ ᑎᑎᕋᕕᖏᓐᓂ ᐃᖃᓗᓂ ᐅᕝᕙᓗ ᔭᓗᓇᐃᒥ. ᐃᖃᓇᐃᔮᓴᑕᖃᑐᐃᓇᕆᐊᓕ ᑲᓪᓗᓈ ᓄᓇᖓᓐᓂ ᐊᕙᑎᓕᕆᔨᑯᑦ ᑎᑎᕋᕕᖏᓐᓂ ᑕᒪᑯᐊ ᑲᐅᔨᓴᖃᑦᑕᖅᑐᑦ ᐱᓕᕆᖃᖅᑕᖅᑐᑦ ᐅᑭᐅᑕᖅᑑᑉ ᓂᕐᔪᑎᖏᓐᓂᒃ ᓱᕋᑕᐃᑦᑕᐃᓕᓂᕐᒥᒃ, ᐅᑯᓇᓂ ᐅᐊᓂᐸᐃᒃᒥᑦ ᐅᕝᕙᓗ ᐋᑐᕚᒥ.

ᐃᖃᓇᐃᔭᖅᑎᓪᓗᑎᑦ ᐊᔪᕆᓱᑕᐅᖃᑦᑕᕋᔭᖅᐳᑎᑦ ᑲᒪᔨᒋᔭᖅᓂᒃ, ᐃᓚᒋᔭᐅᓇᖅᖢᓂᓗ ᐃᓚᐅᓗᓂ ᐊᓯᖏᓐᓄᑦ ᐃᓄᖕᓄᑦ ᐃᖃᓇᐃᔭᖃᑎᒋᓪᓗᒋᓪᓗ.

ᐃᑲᔪᖃᑦᑕᕐᓗᑎ ᓱᕋᑕᐃᑦᑕᐃᓕᒪᓂᕐᒧᑦ−ᐊᒃᑐᐊᔪᓂᒃ ᐱᓕᕆᔭᒃᓴᓂᒃ ᑎᑎᕋᕐᕕᒃᒥ. ᐃᕕ ᓇᖕᒥᓂᖅ ᐱᕕᓴᖃᕋᔭᐳᑎᑦ ᐱᓕᕆᖃᑕᐅᓗᑎᒃ ᓄᓇᒥ ᐃᖃᓇᐃᔭᖃᑕᐅᓗᑎᑦ. ᐱᓕᕆᒐᔭᖅᑕᑎᑦ ᐱᔭᒃᓴᐃᑦ ᐃᖃᓇᐃᔮᕆᓗᒍ ᐃᓚᐅᓗᓂ ᑲᑎᒪᖃᑕᐅᕙᒃᓗᑎᑦ ᓄᓇᓕᒃᓂ ᐱᓪᓗᒍ ᓂᕐᔪᑏᑦ ᐊᑦᑕᖅᓇᖅᑐᒦᓕᖅᑐᓂᒃ, ᑐᑭᓯᓇᓱᐊᓗᖏᑦ ᑐᑭᓯᔭᐅᔪᕕᓃᑦ ᖃᐅᔨᓴᖅᑎᓂᒃ ᐅᑎᖅᑕᐸᒃᑐᓄᑦ ᑎᖕᒥᐊᓄᑦ, ᐊᒻᒪ ᐸᒡᖕᓇᐃᕙᒃᓗᑎᑦ ᐊᑐᐃᓇᖑᑎᓪᓗᒋᑦ ᐊᑐᖅᑕᐅᓂᐊᑐᑦ ᓄᓇᒥ ᐃᖃᓇᐃᔭᖅᕕᐅᓂᐊᑐᒥ.

ᐃᓕᓂᐊᕋᔭᖅᐳᑎᑦ ᓇᓗᓇᐃᑯᑕᖅᑖᓗᑎᓪᓗ (ᓲᓗ, ᐋᓂᖅᑐᓕᕆᓂᕐᒥᒃ, ᓄᓇᖑᐊᓕᕆᓂᕐᒥᒃᓗ)ᑕᑯᐊ ᐱᔭᕆᐊᓖᑦ ᐱᖃᓇᐃᔮᕆᓂᐊᑕᖅᓄᑦ. ᑲᔪᖏᓴᑕᐅᑲᓐᓂᕋᔭᕆᕗᑎᑦ ᐱᔪᒪᒍᕕᑦ ᐃᓕᓐᓂᐊᒐᓴᑕᖃᕆᓪᓗᓂ ᐊᑐᐃᓇᐅᔪᓂᒃ ᐃᑲᔪᕋᔭᖅᑐᓂᒃ ᐃᓕᑲᓐᓂᕐᓗᑎᑦ ᐊᒻᒪ ᐃᖃᓇᐃᔮᓴᒧᑦ ᐱᕙᓕᕈᑕᐅᖓᔭᕐᖢᑎᒃ.

ᓱᓇᐅᕙᑦ ᐱᕚᓕᕈᑎᒋᓂᐊᑕᑎᑦ?

• ᑮᓇᐅᔭᓕᐅᑎᐊᕋᔭᖅᑐᑎᑦ ᐊᐅᔭᐅᓂᖓᓂ
• ᐊᑑᑎᖃᖅᑐᖅ ᐃᑲᓇᐃᔭᖃᑦᑕᖅᓂᕐᒧᑦ
• ᐱᕕᓴᖃᓇᖅᑐᖅ ᐃᖃᓇᐃᔭᖃᑎᖃᖅᓗᓂ ᑭᒡᓕᓯᓂᐊᑎᓪᓚᕆᓂᒃ
• ᐱᕕᒃᓴᖃᖅᓇᖅᑐᖅ ᐃᖃᓇᐃᔭᖃᑎᖃᓗᓂ ᐊᓯᖏᓐᓂᒃ ᑎᒥᐅᔪᓂᒃ ᑕᐃᒫᑕᐅᖅ ᐱᓕᕆᔪᓂᒃ ᓂᕐᔪᑎᓂᒃ ᓄᓇᕗᒻᒥ ( ᓲᓗ, ᐃᓄᐃᑦ ᖃᑐᔾᔨᖃᑎᒌᖏᑦ, ᓄᓇᓕᒃᓂ ᐆᒪᔪᕐᓂᐊᑎᑯᑦ ᑲᑎᒪᔨᖏᑦ)
• ᐱᓕᒻᒪᓴᖅᓂᖅ ᐊᒻᒪ ᐃᓕᓐᓂᐊᓂᖅ ᐃᖃᔫᑎᖃᐴᒃ ᐃᓕᖕᓄᑦ ᐃᖃᓇᐃᔮᖃᕈᒪᓐᓂᕈᕕᑦ ᓂᕐᔪᑎᓕᕆᓂᕐᒥᒃ ᐊᒻᒪ ᐃᓂᒋᖃᑦᑕᖅᑕᖏᓐᓂᒃ ᑭᒡᓕᓯᓂᐊᓂᕐᒥᒃ
• ᐱᕕᓴᖃᕐᓇᑐᖅ ᐃᖃᓇᐃᔮᖃᓗᓂ ᓱᕋᑕᐃᑦᑕᐃᓕᒪᓂᕐᒥᒃ ᐱᓗᐊᑐᒥᒃᓕ ᐅᑭᐅᑕᖅᑐᒥ

ᑐᑭᓯᒋᐊᑲᓐᓂᕈᒪᒍᕕᑦ ᐊᒻᒪ ᐃᖃᓇᐃᔮᑖᕋᓱᒍᒪᒍᕕᑦ:

ᐅᖄᓚᐅᑖ: 867-979-8037

ᖃᕋᓴᐅᔭᒃᑰᕈᑖ: ec.arif-ifra.ec@canada.ca

ᐃᑭᐊᕿᕕᒃᑯᑦ ᓴᖅᑭᔮᒐᖅ: www.tunngavik.com/iiba

ᒪᑐᐃᖓᑎᑦᑎᓂᐊᑐᒍᑦ ᑕᑕᑎᖅᓯᒪᔪᓂᒃ ᐃᖃᓇᐃᔭᕈᒪᓂᕐᒧᑦ ᑎᑭᓚᐅᖏᓐᓂᖓᓂ ᕕᕗᐊᕆ 28.

---

---

ᐅᒃᑐᕈᓇᐅ ᑏᑦ