ᓱᓗᓖᑦ ᐊᐅᓚᑦᑎᖃᑎᒌᑦ ᑲᑎᒪᔨᕋᓛᖏᑦ (ACMC) ᕿᑭᖅᑕᕐᔪᐊᒦᑦᑐᖅ, ᕿᑭᖅᑖᓗᒻᒥ. ᓱᓗᓖᑦ ᐊᐅᓚᑦᑎᖃᑎᒌᑦ ᑲᑎᒪᔨᕋᓛᖏᑦ (ACMC) ᑕᓪᓕᒪᓂᒃ ᑲᑎᒪᔨᓖᑦ ᐊᑕᐅᓯᕐᒥᑦ ᐃᖅᑲᓇᐃᔭᖅᑎᒥᑦ ᑲᓇᑕᒥ ᓂᕐᔪᑎᓕᕆᓂᕐᒧᑦ ᐱᔨᑦᑎᕋᖅᑎᓄᑦ. ᐊᐅᓚᑦᑎᖃᑎᒌᑦ ᑲᑎᒪᔨᕋᓛᖏᑦ (ACMC) ᐊᐅᓚᑦᑎᔩᑦ ᐊᒃᐸᐃᑦ ᐊᒻᒪᓗ ᖃᖁᓪᓗᐃᑦ ᑲᓇᑕᒥ ᓂᕐᔪᑎᖃᕐᕕᒃ (NWA), ᑕᐃᑲᓂ 100−ᑭᓚᒦᑦᑐᑦ ᕿᑭᖅᑕᕐᔪᐊᒥ. ᐱᓕᕆᓂᖏᓐᓄᑦ, ᐊᐅᓚᑦᑎᖃᑎᒌᑦ ᑲᑎᒪᔨᕋᓛᖏᑦ (ACMC) ᑲᒪᔨᐅᔪᑦ ᐋᖅᑭᔅᓱᐃᓪᓗᑎᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᒃ ᒪᕐᕉᓐᓂᒃ ᑲᓇᑕᒥ ᓂᕐᔪᑎᖃᕐᕕᒃ (NWA), ᕿᒥᕐᕈᓪᓗᑎᑦ ᐱᔪᓐᓇᐅᑎᑖᕈᑎᔅᓴᓂ ᐃᓯᕈᒪᔪᓂᒃ ᐊᒃᐸᐃᑦ ᐊᒻᒪᓗ ᖃᖁᓪᓗᕐᓄᑦ ᐊᒻᒪᓗ ᐅᖃᐅᔾᔨᒋᐊᖅᑎᐅᓪᓗᑎᑦ ᒥᓂᔅᑕᒧᑦ ᑭᓱᓕᒫᑦᑎᐊᕐᓂᑦ ᐸᖅᑭᑦᑎᓂᕐᒨᖓᔪᓂᒃ.
ᓴᖅᑭᖅᑕᐅᓚᐅᖅᓯᒪᔪᖅ 2010−ᒥ, ᐊᒃᐸᐃᑦ ᐊᒻᒪᓗ ᖃᖁᓪᓗᐃᑦ ᑲᓇᑕᒥ ᓂᕐᔪᑎᖃᕐᕕᒃ (NWA) ᐸᖅᑭᔭᐅᔪᑦ ᐃᓐᓈᕈᒻᒥ ᐃᕙᕕᖏᑦ ᑎᒻᒥᐊᑦ ᐃᒪᕐᒥᐅᑕᐃᑦ ᐊᑦᑐᐊᔪᓪᓗ ᓯᕕᑐᔪᐊᓘᓪᓗᓂ ᐃᒪᖓ ᐅᓄᖔᓘᖓᓪᓗᑎᑦ. ᐃᒪᖅ ᑭᓱᓕᕈᓘᔮᓂᒃ ᓂᕿᔅᓴᖅᓯᐅᕐᕕᐅᕙᑦᑐᓂ ᐃᒪᕕᒻᒥ ᑎᒻᒥᐊᑦ ᐃᒪᕐᒥᐅᑕᐃᑦ ᐊᐃᐳᓗᑦ ᐊᑦᑑᑉᐱᕆᒧᑦ ᐊᕐᕌᒍᑕᒫᑦ, ᐊᒻᒪᓗ ᐊᓯᔾᔨᒌᓐᖏᑦᑐᓕᒃ ᐃᒪᕐᒥᐅᑕᖅᑕᖃᐅᖅᑐᓂ ᓇᑦᑎᕐᓂᑦ, ᓇᓄᕐᓂᑦ ᐊᔾᔨᒌᓐᖏᑦᑐᓂᑦ ᓴᖅᐱᓕᓐᓂᑦ.
ᑕᐅᓇᓂ 30−ᑭᓚᒦᑕᓂᒃ ᐅᖓᓯᓐᓂᓖᒃ, ᐊᒃᐸᐃᑦ ᐊᒻᒪᓗ ᖃᖁᓪᓗᐃᑦ ᑎᒻᒥᐊᓂᒃ ᐃᒪᕐᒥᐅᑕᕐᓂᑦ ᐱᒻᒪᕆᐅᖃᑕᐅᔪᑦ ᑲᓇᓐᓇᖓᓂ ᑲᓇᑕᐅᑉ ᐅᑭᐅᖅᑕᖅᑐᖏᓐᓂ, ᑕᒫᓃᑦᑐᑎᑦ 500,000 ᐃᒪᕐᒥᐅᑕᐃᑦ ᑎᒻᒥᐊᑦ ᐊᐅᔭᒃᑯᑦ.
ᐊᒃᐸᐃᑦ ᑲᓇᑕᒥ ᓂᕐᔪᑎᖃᕐᕕᒃ (NWA) ᐊᒥᓲᓂᖅᐹᖑᒻᒪᑕᑦ ᐊᑉᐸᓂ, ᑕᒫᓂᖃᐃ 8% ᑲᓇᑕᒥ ᐊᒥᓲᓂᖏᓐᓂ (ᑕᒫᓂᖃᐃ 130, 000 ᒪᕐᕉᓕᖅᑲᖓᓪᓗᑎᑦ). ᐊᒃᐸᐃᑦ ᐃᓄᑦᑎᑐᑦ “murres”. ᐊᓯᖏᑦ ᑎᒻᒥᐊᑦ ᐃᒪᕐᒥᐅᑕᐃᑦ ᐃᕙᖃᑦᑕᕐᒥᔪᑦ ᐊᒃᐸᐃᑦ ᐅᑭᐅᖅᑕᖅᑐᒥ ᖃᖁᓪᓗᓂᑦ ᐊᒻᒪᓗ ᑎᕋᑎᕌᕐᓂᑦ.
ᖃᖁᓗᐃᑦ ᑲᓇᑕᒥ ᓂᕐᔪᑎᖃᕐᕕᒃ (NWA) ᐊᒥᓲᓂᖅᐹᖑᖃᑕᑦ ᖃᖁᓪᓗᓂᑦ, ᑕᒫᓂᖃᐃ 20% ᑲᓇᑕᒥ ᐊᒥᓲᓂᖏᓐᓂ (ᑕᒫᓂᐸᓗᒃ 27,000 ᒪᕐᕉᓕᖅᑲᖓᓪᓗᑎᑦ). ᖃᖁᓗᐃᑦ ᐃᓄᑦᑎᑐᑦ “fulmars”. ᐊᓯᖏᑦ ᑎᒻᒥᐊᑦ ᐃᕙᖃᑦᑕᓲᑦ ᐃᓄᐃᓴᓐᓂᖅᓴᐅᓪᓗᑎᑦ ᖃᖁᓪᓗᐃᑦ ᒪᑯᐊᓗ ᐱᑦᑎᐅᓛᑦ, ᓇᐅᔭᕕᕐᔪᐊᑦ ᐊᒻᒪᓗ ᓂᐅᔭᕕᓐᓂᑦ.
ᒥᒃᓵᓄᑦ ᑲᑎᒪᔨᐅᔪᑦ – Coming Soon
ᐊᕐᕋᒍᑕᒫᑦ ᐅᓂᒃᑳᓕᐊᑦ – Coming Soon
ᓇᓗᓇᐃᕈᑎ ᓇᔅᓴᕆᐊᓕᓐᓂᑦ – Coming Soon
ᐅᖃᕐᕆᒋᑎᒍᑦ – Coming Soon
ᑎᒻᒥᐊᖃᕝᕕᓄᑦ ᐸᖕᓇᕐᓂᖅ – Coming Soon
ᑲᑎᒪᔾᔪᑎᕕᓃᑦ – Coming Soon
ᐊᔾᔨᖑᐊᑦ – Coming Soon
ᑕᕐᕆᔮᔅᓴᐃᑦ- Coming Soon
Area Co-Management Committees for National Wildlife Areas and Migratory Bird Sanctuaries in Nunavut 