Taamna Sululiit Nayugaanik Munaqtiqatigiit Katimayiralaangit (Sululiit ACMC) nayugalgit Qikiqtaryuaqmi, Qikiqtaaluk Aviktuqhimanianit. Taamna Sululiit ACMC-ngat tallimanik katimayilik nunallaarmiunik atauhiqmiklu havaktimik talvanngat Kanatami Anngutighaliqiyit Ikayuqtiit. Taamna ACMC munariyaghariyaat Akpait taamnalu Qaqulluit Kanatami Anngutighat Nayugainnik (NWA-nguyut), ungahiktigiyut 100 km-nik Qikiqtaryuaqmit. Havaaghaigut, ACMC-kut munaqtiuyut hanayunik munaqtighat parnaiyautainik taapkuninnga malrungnut NWA-nut, ihivriuqhugit piinnarialiutingnut tughirautinik atuqtitauyaamik Akpait taamnalu Qaqulluit unniqtuiyaamiklu Ministamik tamangnik ilauyunik hapkununnga munaqtauyunit nayugaqnit.
Hanayauhimayut 2010-mi, Akpait taapkualu Qaqulluit NWA-ngit munarivagait ivaviit qaiqtuit amihuaqyungnik huratjanik taapkualu katimaqatigiiktumik imautit angitqiyallu haavitpaktut aviktuqhimayumi taryum nutqaqvianut. Anngutighalik imautit iharianaqtunik niqighaqaqtittivaktuq ivayunik huratjanik April-mit October-mut ukiuq tamaat, ahiagullu aallatqiingnik taryumiutat anngutighat nayugarivagaat taapkualu nattiit, nanuit aallatqiillu qilalukkat.
Ungahiktigiighutik 30 km-nik, katimaplutik Akpait taapkualu Qaqulluit kivgaqtuivaktut atauhiqmik anniqnaqtunik huraat nayugaanik kivalliqhianit Kanatam Ukiuqtaqtua, nayugaupluni avatquttugit 500,000-nguyut taryumiutat huratjat auyaqmi.
Taamna Akpait NWA-ngat nayugauyuq amigaitqiyarnik huratjanik taapkuatut akpait, aajjikkutavyaatut 8%-nguyut Kanatami naallugit (haniani 130,000 aippariik). Akpait Inuktitut uqauhiuyuq taapkuninnga “akpait”. Ahiillu huratjat ivayut amihuuplutik talvani Akpait nayugaanit ilauyuttauq nauyaillu.
Taamna Qaqulluit NWA-ngat nayugauyuq amigaitqiyarnik nauyaqnik, aajjikkutavyaatut 20%-nguyut Kantami naallugit (haniani 27,000-nguyut aippariik). Qaqulluit Inuktitut uqauhiuiyuq taapkuninnga “qaqulluit”. Ahiillu ivayut takunnaqtut ikitqiyauyut talvani Qaqulluit-ni taapkuanguyut qaqulluit nauyaillu.
Photo Gallery - Coming Soon
Videos - Coming Soon
Annual Reports - Coming Soon
Member List - Coming Soon
Meeting Minutes - Coming Soon
Management Plans - Coming Soon
Checklists - Coming Soon
Contact - Coming Soon
Area Co-Management Committees for National Wildlife Areas and Migratory Bird Sanctuaries in Nunavut 