ᓱᓗᒃᕙᐅᑦ ᐊᐅᓚᑦᑎᖃᑎᒌᑦ ᑲᑎᒪᔨᕋᓛᖏᑦ (ACMC) ᑲᒪᖃᑦᑕᖅᑐᑦ ᐱᖓᓱᑦ ᐸᖅᑭᔭᐅᓪᓗᑎᑦ ᕿᑭᖅᑖᓗᒻᒥ ᓄᓇᕗᒻᒥ: ᓇᓄᐃᑦ ᐃᑎᓪᓕᖓ ᑲᓇᑕᒥ ᓂᕐᔪᑎᖃᕐᕕᓐᓂᑦ, ᐊᒃᐸᖃᕐᕕᒃ (ᒥᑦᑎᒪᑕᓕᒃ (Prince Leopold Island)) ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ, ᐊᒻᒪᓗ ᓇᐅᔭᕚᑦ (Seymour Island) ᑎᒻᒥᐊᖃᕐᕕᖓ.
ᓇᓄᐃᑦ ᐃᑎᓪᓕᖓ (Polar Bear Pass) ᑲᓇᑕᒥ ᓂᕐᔪᑎᖃᕐᕕᒃ (NWA) ᐅᖓᓯᓐᓂᓕᒃ 65−ᑭᓚᒦᑕᓂᒃ ᓂᒋᖅᐸᓯᐊᓂ ᖃᐅᓱᐃᑦᑑᑉ ᐃᓚᖓᓐᓂᓪᓗ ᕿᑎᖓᓃᑦᑐᓂ ᑕᐅᕗᖓ ᕿᓐᖓᐅᑦ (Bathurst Island) ᑕᐃᑲᓐᖓᑦ ᐅᐊᓐᓇᖓᓂ ᑲᓇᓐᓇᕐᒧᑦ ᕿᑭᖅᑕᖓᓐᓂ ᓄᕕᐊᑦᑎᐊᖓᓐᓂ. ᒪᓵᓘᓂᖓᓐᓄᑦ ᓇᔪᖅᑕᐅᔪᖅ, ᓇᓄᐃᑦ ᐃᑎᓪᓕᖓ ᑲᓇᑕᒥ ᓂᕐᔪᑎᖃᕐᕕᒃ (NWA) ᐊᔾᔨᐅᖏᑦᑐᓂᑦ ᐱᑕᓕᒃ ᓂᕐᔪᑎᑕᖃᐅᖅᑐᖅ ᑕᐅᕙᓂ ᓇᓄᖅᑕᖃᐅᖅᑐᓂᓗ. ᐊᒃᐸᖃᕐᕕᒃ (ᒥᑦᑎᒪᑕᓕᒃ (Prince Leopold Island) ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ (MBS), ᑕᓪᓗᕈᑎᐅᑉ ᐃᒪᖓᓐᓃᑦᑐᖅ (Lancaster Sound) ᐊᑦᑐᐊᔪᖅ ᑰᒐᓇᔫᑉ ᑕᕆᐅᖓ (Prince Regent Inlet) ᐊᒻᒪᓗ Barrow Strait−ᒥ. ᑰᒐᓇᔫᑉ ᕿᑭᖅᑕᖓᓂ (Somerset Island) ᐅᖓᓯᓐᓂᓕᒃ 13−ᑭᓚᒦᑕᓂᒃ ᓂᒋᖅᐸᓯᐊᓂ ᑕᓪᓗᕈᑦ (Devon Island) ᑕᐅᓂ 50−ᑭᓚᒦᑕᒥᑦ ᐅᐊᓐᓇᖓᓂ, ᐊᒻᒪᓗ ᖃᓂᓐᓂᖅᐹᖑᓪᓗᓂ, ᖃᐅᓱᐃᑦᑐᖅ 150−ᑭᓚᒦᑕᒥ ᐅᐊᓐᓇᖅᐸᓯᖓᓐᓂ. ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ (MBS) ᐱᖃᓯᐅᔾᔨᔪᖅ ᕿᑭᖅᑖᓗᓕᒫᒥᑦ, ᑕᒫᓂᖃᐃ 64−ᑭᓚᒦᑕᓂᑦ ᐃᒪᕐᒧᑦ ᓇᔪᖅᑕᓄᑦ 5−ᑭᓚᒦᑕᓂᒃ. ᐊᒻᒪᓗ, ᓇᐅᔭᕚᑦ (Seymour Island) ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ (MBS) ᑕᐃᑲᓃᑦᑐᖅ 250−ᑭᓚᒦᑕᓂᒃ ᐅᐊᓐᓇᖅᐸᓯᖓᓐᓂ ᖃᐅᓱᐃᑦᑑᑉ ᐊᒻᒪᓗ ᐊᒥᓲᓂᖅᐹᓐᓂᑦ ᓇᐅᔭᖃᖅᑐᓂ ᑲᓇᑕᒥ. ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ (MBS), ᑕᐃᑲᓃᑦᑐᖅ 18−ᑭᓚᒦᑕᓂᒃ ᓂᒋᐊᓂ ᕼᐊᓚᓇ ᕿᑭᖅᑕᖓᓐᓂ, ᐃᓛᒃᑰᖓᔪᖅ ᕿᓐᖓᐅᑦ (Bathurst Island) ᑕᐅᕙᓂ Sir William Parker Strait−ᓂ. ᓴᖅᑭᖅᑕᐅᓚᐅᖅᓯᒪᔪᖅ 2012−ᒥ, ᓱᓗᒃᕙᐅᑦ ᐊᐅᓚᑦᑎᖃᑎᒌᑦ ᑲᑎᒪᔨᕋᓛᖏᑦ (ACMC) ᑕᓪᓕᒪᓂᑦ ᑲᑎᒪᔨᓖᑦ ᖃᐅᓱᐃᑦᑐᒥᑦ, ᐊᑕᐅᓯᕐᒥᓪᓗ ᑲᓇᑕᒥ ᓂᕐᔪᑎᖃᕐᕖᑦ ᐱᔨᑦᑎᕋᖅᑎᖏᓐᓂ ᐅᑭᐅᖅᑕᖅᑐᒥ (ᐃᖃᓗᐃᑦ) ᐃᖅᑲᓇᔭᐃᖅᑎᑦ. ᓱᓗᒃᕙᐅᑦ ᐊᐅᓚᑦᑎᖃᑎᒌᑦ ᑲᑎᒪᔨᕋᓛᖏᑦ (ACMC) ᑎᑎᕋᖅᐸᓪᓕᐊᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᒃ ᑖᒃᑯᐊᓗ ᑲᓇᑕᒥ ᓂᕐᔪᑎᖃᕐᕕᒃ (NWA) ᐊᒻᒪᓗ ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ (MBS), ᐊᒻᒪᓗ ᑲᑎᒪᕙᑦᑐᑦ ᒪᕐᕈᐊᖅᑎ ᐱᖓᓱᐊᖅᑎᓘᓐᓃᑦ ᐊᕐᕌᒍᒫᑦ ᖃᐅᓱᐃᑦᑐᒥᑦ ᐅᖃᐅᓯᖃᖅᑐᑎᑦ ᐊᐅᓚᑦᑎᓂᕐᒥᑦ, ᐱᔪᓐᓇᐅᑎᓂᓪᓗ ᓇᓄᐃᑦ ᐃᑎᓕᖓᓂ ᑲᓇᑕᒥ ᓂᕐᔪᑎᖃᕐᕕᒃ (NWA), ᐊᒃᐸᖃᕐᕕᒃ (ᒥᑦᑎᒪᑕᓕᒃ (Prince Leopold Island) ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ (MBS), ᐊᒻᒪᓗ ᓇᐅᔭᕚᑦ (Seymour Island) ᐃᒪᕐᒥᐅᑕᕐᓂᑦ ᑎᒻᒥᐊᖃᕐᕕᒃ (MBS).
ᒥᒃᓵᓄᑦ ᑲᑎᒪᔨᐅᔪᑦ – Coming Soon
ᐊᕐᕋᒍᑕᒫᑦ ᐅᓂᒃᑳᓕᐊᑦ – Coming Soon
ᓇᓗᓇᐃᕈᑎ ᓇᔅᓴᕆᐊᓕᓐᓂᑦ – Coming Soon
ᐅᖃᕐᕆᒋᑎᒍᑦ – Coming Soon
ᑎᒻᒥᐊᖃᕝᕕᓄᑦ ᐸᖕᓇᕐᓂᖅ – Coming Soon
ᑲᑎᒪᔾᔪᑎᕕᓃᑦ – Coming Soon
ᐊᔾᔨᖑᐊᑦ – Coming Soon
ᑕᕐᕆᔮᔅᓴᐃᑦ- Coming Soon
Area Co-Management Committees for National Wildlife Areas and Migratory Bird Sanctuaries in Nunavut 